წყალი მაცოცხლებელი სითხეა. ადამიანი საკვების გარეშე უფრო დიდი ხანი ძლებს, ვიდრე წყლის გარეშე. მიუხედავად ამისა ძალიან ბევრს ჯერ კიდევ არ გააჩნია წყლის სმის შესაბამისი კულტურა. სულ ახლახან კი ბაზარზე გამოჩნდა კომპანია, რომელმაც ფართო საზოგადოებაში წყლის სმის კულტურის პოზიტიურად შეცვლა გადაწყვიტა და ეს საკითხი ხალხს სულ სხვაგვარად დაანახა.
Nami8 ებრაული ჰოლდინგის Tsur Group-ის შვილობილი კომპანიაა. ის ბუნებისა და ტექნოლოგიების გაერთიანებით, ცალკეულ მომხმარებლებსა და ბიზნესებს უახლესი ტექნოლოგიის ინოვაციურ წყლის დისპენსერებს სთავაზობს. წყლის სპეციალური ბარების საშუალებით, ეკოლოგიურად სუფთა, მაღალი ხარისხის წყალი მიიღება. საინტერესოა, რომ კომპანიას ბრენდად ჩამოყალიბებაში სააგენტო Leavingstone დაეხმარა. სწორედ Leavingstone-ის მიერ ჩამოყალიბებული ვიზუალური იდენტობითა და სტრატეგიით გაიცნო Nami8 საზოგადოებამ. ბრენდი შემდეგი გზავნილებით გამოჩნდა ბაზარზე: „გაფილტრული წყალი, შენი ჯანმრთელობისთვის“, „გაფილტრული წყალი, შენი ოჯახისთვის“, „გაფილტრული წყალი, შენი სილამაზისთვის“, „გაფილტრული წყალი, შენი სიჯანსაღისთვის“…
კომპანიის იდენტობაში განსაკუთრებული ადგილი უკავია თავად ბრენდის სახელსა და მის გზავნილსაც. ნამის წვეთები არის ყველაზე წმინდა და სუფთა სახის წყალი ბუნებაში, ხოლო 8 უსასრულობის ნიშნის სიმბოლური გამოხატულებაა.
Leavingstone-ის თანადამფუძნებელი ლევან ლეფსვერიძე გვიამბობს, რომ მათ გადაწყვიტეს კომპანიას დიდ შინაარსობრივ დატვირთვასთან ერთად, მკვეთრად გამოხატული ვიზუალური იდენტობაც ჰქონოდა.
„განვიზრახეთ, რომ ვიზუალურ მხარეს მკვეთრად გამოხატული იდენტობა ჰქონოდა. ფერადი წრეების კომბინაცია, ერთი მხრივ, უნიკალურად დასამახსოვრებელს ხდის ბრენდს, აძლევს თანამედროვე ხასიათსა და მრავალფეროვანი ცხოვრების განწყობას, ხოლო, მეორე მხრივ, ასოცირდება წყლის ბუშტუკებთან, რაც სხვადასხვა ნივთზე ბეჭდვის შემთხვევაში დიდ გასაქანს იძლევა. ვიზუალური ბრენდინგის გარდა ლივინგსტონმა იმუშავა ბრენდის სტრატეგიაზე, საინფორმაციო ვიდეოზე, ბაზარზე შესვლის გეგმაზე, საიმიჯო ფოტოებსა და კრეატიულ კამპანიებზე, რასაც უკვე ძალიან მალე იხილავს საზოგადოება. ერთი სიტყვით, ჩვენ Nami8-ის გუნდთან ერთად საფუძველი ჩავუყარეთ ბრენდის პოზიციონირებასა და მარკეტინგულ აქტივობებს. დიდი იმედი გვაქვს, რომ ბაზარზე შესვლიდან ძალიან მალე ბიზნესის შედეგებითაც ერთად ვიამაყებთ,“ - აღნიშნავს ლევან ლეფსვერიძე.
საინტერესოა Nami8-ისა და ლივინგსტონის დაკავშირების ისტორიაც, რომელიც ტრადიციულად, სტანდარტული ბრიფით არ დაწყებულა. ნამის დამფუძნებლებმა ლივინგსტონის დამფუძნებლებს გაუზიარეს ამბიციური განზრახვა, რომ გეგმავდნენ საქართველოში სასმელი წყლის მოხმარების მხრივ პროგრესის შემოტანას. კრეატიული სააგენტოსთვის ეს გამოწვევა საოცრად შთამაგონებელი აღმოჩნდა.
„დაეხმარო ბიზნესს, რომ ნულიდან აეწყოს, ბაზარზე სიახლე დანერგოს და თანაც სასარგებლო გავლენა მოახდინოს გარემოზე – ეს სწორედ ის თემაა, რაც ლივინგსტონში ძალიან გვიყვარს. ნაბიჯ-ნაბიჯ დავსახეთ ბრენდის სტრატეგია, შევიმუშავეთ ბაზარზე შესვლის გეგმა და განვითარების გრძელვადიანი ხედვა გავწერეთ. Nami8 არის ბრენდი, რომელსაც თანამედროვე ტექნოლოგიების გამოყენებით მომხმარებლამდე კომფორტულად მოაქვს ბუნების სიმდიდრე – სუფთა წყალი. საქართველო წყლის ქვეყანაა და ჩვენი ბუნების წყალობით სუფთა წყალი მართლაც უხვად გვაქვს ქვეყანაში, თუმცა თანამედროვე ქართველები ცხოვრების წესიდან გამომდინარე, ნაკლებად ვხვდებით ბუნებაში. ცხოვრების უდიდეს ნაწილს ქალაქში ვატარებთ. ქალაქებში კი ყოველთვის არსებობს რისკი, რომ ჩვენამდე ჩამოღწეული წყალი მთლად წყაროს წყალივით სუფთა აღარ იყოს. ჩნდება საჭიროება, რომ სუფთა წყალი ყოველდღიურ ცხოვრებაშიც ადვილად ხელმისაწვდომი გვქონდეს, ბოთლების ყიდვის გარეშე. სწორედ ამ პრობლემას აგვარებს Nami8. ჩავიფიქრეთ, რომ ეს ბრენდი ბუნების ჰარმონიულობისა და ტექნოლოგიური პროგრესის თანაკვეთაზე აგვეშენებინა,“ - ასე ახასიათებს ლევან ლეფსვერიძე Nami8-ს.
Nami8 მომხმარებელს ჰპირდება, რომ მის ცხოვრებას გააუმჯობესებს და ჯანსაღი წყლის მოხმარებასთან დაკავშირებით ყველანაირ კომფორტს შეუქმნის. სახლში თუ ოფისში, მუდამ გვერდით იქნება, ყოველგვარი სირთულეების გარეშე.
